Presidenti palestinez Mahmoud Abbas dënoi vrasjen e liderit të Hamasit, Ismail Haniyeh në Teheran – duke e quajtur atë një “akt frikacak”.
Kreu i Autoritetit Palestinez e përshkroi vrasjen si një “zhvillim të rrezikshëm”.
Sekretari i përgjithshëm i komitetit ekzekutiv të Organizatës për Çlirimin e Palestinës (PLO), Hussein al-Sheikh, shkroi në platformën X se organizata e tij dënon “vrasjen e kreut të Byrosë Politike, liderit kombëtar, Ismail Haniyeh”.
“Ne e konsiderojmë atë një akt frikacak, kjo na shtyn të qëndrojmë më të palëkundur përballë pushtimit dhe domosdoshmërisë për të arritur unitetin e forcave dhe fraksioneve palestineze”, shkroi al-Sheikh.
Një aleancë e grupeve të ndryshme politike në Bregun Perëndimor bëri thirrje për një grevë të përgjithshme në përgjigje të vdekjes së Haniyeh.
Për më tepër, u sugjerua që të kërkoheshin konfrontime me ushtarët izraelitë në postblloqe. Mbetet e paqartë nëse këto do të ishin demonstrata apo sulm
