Presidenti i Maqedonisë së Veriut, Stevo Pendarovski ka zbuluar se do të vaksinohet ditët në vijim ndaj COVID-19.
Pendarovski thotë se do të marrë cilëndo vaksinë që është në dispozicion duke siguruar qytetarët se çfarëdo është miratuar në Maqedoninë e Veriut është e verifikuar.
Sipas tij, me 100% siguri vaksinat janë të kontrolluara si në çdo shtet të BE.
“Kuptohet se do të vaksinohem me vaksinën që do të jetë e në dispozicion .
Këtë e them pasi ekzistojnë lloje të ndryshme të kontroversiteteve për vaksinat dhe mund t’ju siguroj se gjithçka që është miratuar në vendin tonë nga autoritetet kompetent është e verifikuar.
Të gjitha vaksinat që janë importuar dhe aplikohen tek qytetarët tanë janë 100 për qind të kontrolluara, si të vaksinoheni në cilindo shtet evropian”, tha sot presidenti Pendarovski.
