Roja Bregdetare e Indisë po vazhdon përpjekjet për të shuar zjarrin që ra në një anije mallrash me flamur të Singaporit në Detin Arabik pranë bregdetit të shtetit jugor të Kerala-s.
Sipas asaj që raporton BBC, anija MV Wan Hai 503, e cila po shkonte drejt qytetit Mumbai të Indisë nga Kolombo i Sri Lankës, raportoi një shpërthim të brendshëm të kontejnerit të hënën, duke rezultuar në një zjarr të madh në bord.
Tetëmbëdhjetë anëtarë të ekuipazhit janë shpëtuar, ndërsa katër janë ende të zhdukur. Singapori ka dërguar një ekip për të ndihmuar në përpjekjet e shpëtimit.
Qendra Kombëtare Indiane për Shërbimet e Informacionit Oqeanik (INCOIS) ka lëshuar një alarm për bregdetin e Kerala-s për shkak të derdhjes së mundshme të naftës dhe mbeturinave nga anija.
Pamjet e filmuara të martën treguan anijen MV Wan Hai 503 duke lëshuar re të mëdha tymi ndërsa Marina Indiane dhe Roja Bregdetare përpiqeshin të shuanin zjarrin në bord.
Roja Bregdetare tha se zjarre dhe shpërthime vazhduan të shiheshin në anije.
