Kryetari i Partisë Demokratike Lulzim Basha dhe kryebashkiaku Lulzim Basha nuk janë paraqitur ditën e sotme në gjykatë. Seanca e sotme gjyqësore, e cila u shty për shkak të mungesës së avokatit mbrojtës të Veliajt, do të mbahej për padinë që kreu i demokratëve ka ngritur ndaj Bashës për shpifje.
Demokratët kërkojnë nga trupi gjykues dënimin e kryebashkiakut për shpifje ndaj kreut të PD-së Lulzim Basha.
Në padinë penale argumentohet se Veliaj, si drejtues i fushatës së PS për Tiranën, ka bërë 3 akuza konkrete ndaj Bashës, të cilat demokratët i konsiderojnë shpifje.
“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozitë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”– thuhet në padinë e ngritur për shpifje ndaj Veliajt.
