Armëpushimi i përkohshëm në Ripin e Gazës nuk hyri në fuqi as këtë të Enjte. Bombardimet izraelite në Gaza vazhduan edhe në orët e para të mëngjesit. Ushtria izraelite njoftoi se avionët goditën mbi 300 objektiva të Hamasit, përfshirë tunele nëntokësorë dhe depo armatimesh.
Parashikohej që luftimet të ndalonin në orën 10:00 të mëngjesit të kësaj të Enjteje, por burime të qeverisë izraelite thanë se armëpushimi do të niste të Premten. Katari që ndërmjetësoi marrëveshjen njoftoi se brenda pak orësh do të përcaktohet edhe nisja zyrtare e armëpushimit 4-ditor.
Faza e parë është lirimi i 50 pengjeve që Hamasi mori në sulmin e 7 Tetorit në jug të Izraelit. Kjo pasohet nga lirimi i 150 të burgosurve palestinezë nga Izraeli, shumica dërrmuese gra e fëmijë.
Izraeli u vizitua këtë të Enjte nga Sekretari i ri i Jashtëm i Mbretërisë së Bashkuar, David Cameron. Një ndër ndalesat e tij të para ishte komuniteti i bujqësor në Beeri, fare pranë kufirit me Gazën ku militantët e Hamasit kryen masakra gjatë sulmit në Izrael.
1200 viktima numërohen nga ai sulm i Hamasit, ndërsa prej asaj dite nga kundërsulmet e ushtrisë izraelite në Rripin e Gazës, kanë humbur jetën 14 mijë palestinezë.
