Nuk ishte alien apo fishekzjarre! Drita spirale blu e dalluar nga teleskopi japonez Subaru në Mauna Kea të Hawait është e lidhur me një raketë SpaceX .
Kamera e Yjeve Subaru-Asahi, e operuar nga Observatori Kombëtar i Japonisë, kapi spiralen e çuditshme mbi observatorin në majë të malit më 18 janar.
“Spiralja duket se ka lidhje me lëshimin e një sateliti të ri nga kompania SpaceX”, shkroi në Twitter stafi i Observatorit, sipas Forbes.
SpaceX, i themeluar nga CEO i Tesla dhe Twitter, Elon Musk, është bërë burimi kryesor për dritat e çuditshme të vërejtura në qiell vitet e fundit
Në rastin e spirales në Hawaii, megjithatë, duket se ka lidhje me rrugën e Falcon 9 për të dërguar një satelit të ri GPS në orbitë. Vëzhguesit e industrisë së hapësirës e njohin modelin si produkt i një faze të dytë rrotulluese që nxjerr karburantin e tepërt.
Bizarre Bright Spiral In The Sky Spotted By Astronomers Identified https://t.co/Ufm1MQTrSH pic.twitter.com/2eQg0qYq1N
— Forbes Science (@ForbesScience) January 27, 2023
