Fluturimi special i aranzhuar nga Turkish Airlines, TK1920, vizatoi rrugën, pasi vendi festoi Ditën e Sovranitetit Kombëtar dhe të Fëmijëve.
“Derisa Turqia feston Ditën e Sovranitetit Kombëtar dhe të Fëmijëve – 23 Prillin, shikoni Turkish Airlines duke vizatuar në qiell flamurin më të madh kombëtar në botë”, tha Turkish Airlines në Twitter.
Fluturimi mund të shihet në: https://www.flightradar24.com/THY1920/24653e47
Dita e Sovranitetit Kombëtar dhe Fëmijëve është një festë publike në Turqi që përkujton themelet e Asamblesë së Madhe Kombëtare Turke më 23 prill të vitit 1920. Këtë vit është 100-vjetori i themelimit të Parlamentit.
Fokusi i festimeve është mbi fëmijët sepse Mustafa Kemal Ataturk, themeluesi i Republikës së Turqisë ka thënë se fëmijët janë e ardhmja e kombit.
Asambleja u mblodh për herë të parë në vitin 1920 në Ankara, më pas kryeqyteti i ardhshëm i vendit, gjatë Luftës së Pavarësisë për të hedhur themelet e një republike të pavarur, laike dhe moderne.
Festimet publike të këtij viti janë pezulluar për shkak të pandemisë së koronavirusit të ri (COVID-19).
