Gjatë një sulmi të armatosur në veriperëndim të Nigerisë janë rrëmbyer 21 person.
Mediat lokale theksojnë se persona të paidentifikuar kanë hyrë në fshatin Udawa në Kadun. Janë rrëmbyer 21 persona, përfshirë edhe të mitur dhe janë plagosur shumë persona.
Muhammad Jalige, zëdhënësi i policisë së Kaduna, konfirmoi këtë ngjarje duke theksuar se në vendin e ngjarjes janë dërguar forca të sigurisë.
Siç tha, personat e plagosur janë dërguar në spital, ndërsa në rrjedhë është aksioni për kërkimin dhe shpëtimin e të rrëmbyerve.
Në veriperëndim të Nigerisë, për shkak të kullotave shpesh ndodhin përleshje midis banorëve të fshatrave dhe barinjve që vijnë nga pjesë të tjera të Nigerisë, veçanërisht midis barinjve nga komuniteti Fulani dhe fiseve që jetojnë me bujqësi.
Pjesëtarët e komunitetit Fulani pretendojnë se fermerët përpiqen të vjedhin bagëtinë e tyre dhe shpesh i sulmojnë ata.
Si rezultat i këtyre përplasjeve në zonë, rreth 2 mijë njerëz kanë humbur jetën dhe mijëra njerëz u larguan nga shtëpitë e tyre.
