Shqipëria dhe Kosova nënshkruan sot marrëveshjen për ndërtimin e rrugëve të fshatrave ndërkufitare që lidhin zonat ndërkufitare.
Marrëveshja u nënshkrua në Kukës nga Hysen Durmishi, zv.ministëri i Mjedisit, Planifikimit Hapësinor dhe Infrastrukturës të Kosovës dhe Dritan Agolli, drejtor i Fondit Shqiptar të Zhvillimit.
Lajmin e bëri të ditur sot drejtuesi politik i Partisë Socialiste në qarkun e Kukësit, Pandeli Majko, i cili përshëndeti nënshkrimin e kësaj marrëveshjeje dhe rëndësinë e saj për komunitetin.
Majko informoi se nga sot, bëhen funksionale mbi 3 milionë euro për ndërlidhjen kufitare ku Kukësi është përfituesi kryesor.
