Shkon në 106 numri i të vdekurve në Greqi nga COVID-19, pasi edhe një 76-vjeçar, që ishte i shtruar në spital në Ptolemaida humbi betejën me virusin mbrëmjen e së enjtes. Sipas e-ptolemeos.gr, 76-vjeçari vuante nga disa sëmundje.
Gjithashtu pasditen e së enjtes profesori i sëmundjeve infektive dhe përfaqësuesi i Ministrisë së Shëndetësisë për koronavirusin, Sotiris Tsiodras, bëri publike edhe tri vdekje të tjera brenda një periudhë 24 orëshe, si dhe 15 raste të reja, duke shkuar kështu në 2207 numri i përgjithshëm i rasteve të konfirmuara me COVID-19 deri tani.
