Në një fushatë ku shumë flasin e pak bëjnë, Abdullah Klinaku ka zgjedhur rrugën e vjetër, por të sigurt: punë, dije dhe integritet. Dhe qytetarët e kanë vërejtur. Jo rastësisht, por sepse kjo është ajo që mungon sot në politikë.
Me formim të thellë juridik, përvojë reale në institucione qendrore dhe lokale, si dhe një profil publik të matur e racional, Klinaku po del si një nga kandidatët më seriozë dhe më të besueshëm të kësaj gare zgjedhore. Ai nuk premton mrekulli – premton drejtësi, barazi dhe ligje që funksionojnë, jo letra për sirtarë.
Qasja e tij e moderuar, dialoguese dhe profesionale ka gjetur mbështetje të gjerë tek qytetarët që janë lodhur nga populizmi dhe zhurma boshe. Në takime, debate dhe komunikim publik, Abdullah Klinaku ka treguar se politika mund të bëhet edhe ndryshe: me respekt, me dije dhe me përgjegjësi.
Kandidimi i tij nga Lëvizja VETËVENDOSJE! është një mesazh i qartë se Kuvendit të Kosovës i duhen njerëz që e njohin ligjin, shtetin dhe qytetarin, jo aventurierë politikë. Në zgjedhjet e 28 dhjetorit, qytetarët kanë mundësi të zgjedhin një përfaqësues që nuk eksperimenton me fatin e vendit, por ndërton mbi përvojë dhe vlera.
