Presidenti Ilir Meta pohon se tashmë është koha për zbatimin e rekomandimeve të Komisioni të Venecias.
Teksa ka shpërndarë një intervistë të Deutsche Welle nga profesorja Angelika Nußberger, anëtare gjermane e Komisionit të Venecias, Meta shkruan se ‘Venecia’ do të ndjekë edhe zbatimin e rekomandimeve të tij të fundit për Gjykatën Kushtetuese dhe Gjykatën e Lartë.
Sipas Metës, kjo është e vetmja rrugë drejt çeljes së negociatave dhe funksionimit të shtetit ligjor.
MESAZHI I METËS
PO, NUK KA MË VEND PËR INTERPRETIME!
Tani është koha për ZBATIMIN KORREKT të REKOMANDIMEVE të Komisionit të Venecias, përmes BASHKËPUNIMIT TRANSPARENT dhe KONSTRUKTIV.
Është shumë e rëndësishme që Komisioni i Venecias do të ndjekë edhe zbatimin e rekomandimeve të tij të fundit për Gjykatën Kushtetuese dhe Gjykatën e Lartë.
Po kështu rekomandimet e Komisionit të Venecias janë në ndjekje nga Parlamenti Europian dhe vendet anëtare.
Kjo është e vetmja rrugë drejt çeljes së negociatave dhe funksionimit të shtetit ligjor.
