Ministria për Europën e Jashtme e Shqipërisë së bashku me OSBE- në organizuan në Uashington, SHBA, takimin “Përgjegjësia dhe Fuqizimi: Mbështetja e të mbijetuarve të dhunës seksuale të lidhur me konfliktin”, duke e sjellë këtë çështje kritike në OKB.
Gjatë punimeve u ritheksua përgjegjësia e përbashkët për të ndërtuar një të ardhme, ku shkelje të tilla as nuk tolerohen dhe as nuk injorohen.
Ministri për Evropën dhe Punët e Jashtme, Igli Hasani tha se “ne duhet të ndërmarrim veprime urgjente, për të forcuar mekanizmat e llogaridhënies dhe për të siguruar që asnjë autor nuk do i shpëtojë drejtësisë”.
“Po aq i rëndësishëm është angazhimi ynë për të mbështetur të mbijetuarit dhe për të trajtuar traumat që ata po kalojnë”, theksoi Hasani. Ministri Hasani i shprehu mirënjohjen OSBE-së për partneritetin në bashkorganizimin e kësaj ngjarjeje, Përfaqësueses Speciale të OKB-së Pramila Patten për udhëheqjen e saj të palëkundur dhe panelistëve të nderuar për njohuritë e tyre të vlefshme.
“Së bashku, ne mund t’i kthejmë rezolutat në veprime konkrete”, tha Hasani.
