Deri të hënën, ora 11:00, në Zvicër janë zbuluar 416 raste të lisë së majmunëve, sipas Zyrës Federale të Shëndetit Publik (BAG).
Rastet janë rritur ndjeshëm që kur infeksioni i parë u raportua në Zvicër më 19 maj.
Bag në një tabelë tregon se ku janë gjetur më së shumti rastet në Zvicër.
“Zvicra është vendi i gjashtë më i prekur nga lija e majmunëve për një milion banorë”, tha Alexandra Calmy, një specialiste e sëmundjeve infektive në spitalet universitare të Gjenevës (HUG).
Megjithatë, ndryshe nga fqinjët e saj, Zvicra ende nuk ofron vaksinim kundër lisë së majmunëve.
“Disa pacientë na kanë thënë se kanë arritur të vaksinohen diku tjetër, duke udhëtuar deri në Kanada. Njerëzit janë shumë kreativë në marrjen e kësaj vaksine, por më duket turp që shkathtësia [e individëve] është e vetmja mënyrë për të marrë atë që besoj se na takon në shoqërinë tonë”, shtoi Calmy.
