Ish-zëvendëskryeministrja Belinda Balluku, ka paraqitur një kërkesë pranë Gjykatës së Posaçme për Korrupsionin dhe Krimin e Organizuar (GJKKO) për të konstatuar shuarjen e masës së sigurisë “pezullim nga ushtrimi i detyrës”.
Sipas kërkesës, masa e sigurisë duhet të shuhet pasi, sipas Ballukut, objekti i masës nuk ekziston më dhe ajo nuk ndodhet në të njëjtën funksion si kur u vendos masa.
Kërkesa e avokatëve vjen në kohën kur pak ditë më parë gjyqtarja e Apelit të Posaçëm la në fuqi pezullimin e Ballukut, menjëherë pasi Gjykata Kushtetuese zbardhi vendimin.
Por kjo masë, ndonëse u la në fuqi, nuk ka objekt sipas avokatëve, pasi Balluku nuk është më as zv.kryeministre dhe as ministre.
Ndërkohë, për kërkesën tjetër të Ballukut, e cila i është drejtuar me rekurs Gjykatës së Lartë për shfuqizim të masës së ndalimit për të dalë jashtë vendit, gjykata ka caktuar si relator gjyqtarin e lartë Ilir Panda.
