Presidenti i Algjerisë, Abdelmadjid Tebboune, ka pritur në takim ministrin e Punëve të Jashtme të Turqisë, Mevlüt Çavuşoğlu, ku kanë diskutuar për zhvillimet dypalëshe, rajonale dhe ekonomike.
“E di që miku ynë Turqia është një shtet i shkëlqyeshëm, marrëdhëniet midis Turqisë dhe Algjerisë janë shumë të afërta”, tha Tebboune, duke shtuar se është i kënaqur që mirëpriti kryediplomatin turk.
Çavuşoğlu në një postim në Twitter theksoi se dy shtetet janë të përkushtuar që të përmirësojnë marrëdhëniet.
Ai më tej tha se investimet e Turqisë në Algjeri radhiten të parat me 3,5 miliardë dollarë dhe dy shtetet do të bashkëpunojnë që të përmirësojnë shkëmbimin turistik dhe kulturor.
Para takimit me presidentin Tebboune, Çavuşoğlu takoi homologun e tij Sabri Boukadoum dhe kryeministrin Abdelaziz Djerad.
