Gjykata e Apelit ka liruar nga burgu dy kontrollorët Armando Fezga dhe Muhin Mezini, duke caktuar ndaj tyre masën “detyrim paraqitje” ndërsa Flora Ndreca, nga arrest shtëpiak do të hetohet në gjendje të lirë.
Kontrollorët u arrestuan pas protestës që zhvilluan ditë më parë në aeroportin e Rinasit, me pretendimin se ishin shumë të stresuar pasi kishin më shumë se një vit që merrnin rroga të përgjysmuara për shkak të gjendjes së pandemisë.
Si pasojë e gjendjes së krijuar, për më shumë se 24 orë u pezulluan të gjitha fluturimet. Në komisariat u shoqëruan 26 kontrollorë, 23 prej të cilëve u liruan pasi dhanë dëshminë e tyre.
