Kryeministri i Kosovës, Albin Kurti deklaroi se ata që kërkojnë llogari për dështimet e tyre, duhet të bëjnë një bilanc para pasqyrës.
Duke bërë një bilanc të situatës së këtij viti, Kurti tha se nuk harron arsyen e rrugëtimit të tij.
“Po përfundon një vit i sfidushëm, pandemia ka rënduar mbi supet e secilit prej nesh e derisa mbyllim këtë vit me shumë arritje në shumë sektor, kujtojmë se për shumë qytetarë që me dekada janë harruar nga politika jeta mbetet ende e vështirë. Prandaj, nuk harrojmë arsyen përse jemi këtu, nuk harrojmë arsyen e rrugëtimit, për të hapur një dekade të re të qeverisjes. Nëse punojmë me dije e me qëllime të mira nuk ka sukses që nuk e arrijmë”, ka pohuar Kurti në mbledhjen e Qeverisë.
