Të tjera detaje janë zbuluar nga krimi i rëndë i ndodhur në Podujevë një natë më parë. Sipas mediave në Kosovë, pas vrasjes së 45-vjeçarit, Iliaz Brahimi, autorja e dyshuar e krimit 31-vjeçarja dyshohet se ka hyrë në shtëpinë e 73-vjeçares duke e marrë atë peng.
Gjatë kësaj kohe kur 73-vjeçarja është mbajtur në banesë aty kanë qenë edhe nusja me fëmijët e saj. Sipas informacioneve, 73-vjeçarja është nusja e xhaxhait të 31-vjeçares Ardita Gashi, dhe sipas familjarëve të dy familjet kanë pasur raporte shumë të mira.
Gjatë ekzaminimit të vendit të ngjarjes është sekuestruar një armë zjarri, disa gëzhoja dhe prova të tjera materiale relevante për rastin.
Sipas prokurorisë, motivi i rastit ende nuk është i njohur, ndërsa hetimet po vazhdojnë për ndriçimin e plotë të ngjarjes.
