Kolegji i Posaçëm i Apelimit (KPA) la në fuqi vendimin e Komisionit të Pavarur të Kualifikimit (KPK) për të shkarkuar nga detyra gjyqtarin e Shkodrës, Tonin Sterkaj.
Vendimi u mor dje nga trupi gjykues i KPA, i përbërë nga Rezarta Schuetz kryesuese, Sokol Çomo relator, Albana Shtylla, Mimoza Tasi, Natasha Mulaj anëtare.
Sterkaj kishte ankimuar vendimin e KPK-së të marrë më datë 4 shtator 2024. Ky vendim është përfundimtar dhe ka efekt të menjëhershëm.
Gjyqtari i Shkodrës, Tonin Sterkaj u shkarkua nga detyra pasi u konkludua se ai nuk arrin nivel të besueshëm në kriterin e pasurisë, si dhe se ka cenuar besimin e publikut tek sistemi i drejtësisë.
