Gjykata Kushtetuese e ka bërë publik të plotë aktgjykimin për dekretin e presidentit Hashim Thaçi për emrin e mandatarit.
Pas kësaj hapet rruga për thirrjen e seancës së jashtëzakonshme për votimin e Qeverisë së Avdullah Hoti.
LDK ndërkaq ka paralajmëruar për nesër mbajtjen e takimit të kryesisë së partisë, pas së cilës kryetari Isa Mustafa do të mbajë konferencë për media.
Sakaq mësojnë se seanca për votimin e qeverisë Hoti do të mbahet të mërkurën me fillim nga ora 11:00.
Kushtetuesja më 28 maj vendosi në favor të dekretit të presidentit.
