Autoritetet shëndetësore në Kosovë kanë bërë të ditur se janë diagnostikuar pozitiv me koronavirusin e ri (COVID-19) edhe 24 persona të tjerë, duke e çuar në 919 numrin e përgjithshëm të tyre.
Bazuar në të dhënat e fundit të Institutit Kombëtar të Shëndetësisë Publike në Kosovë (IKSHPK), në 24 orët e fundit 14 persona kanë rezultuar të shëruar nga virusi, numri i përgjithshëm i të cilëve deri më tani është 671 në nivel vendi.
Rastet e reja pozitive me koronavirus janë raste kontakti nga komuna të ndryshme të Kosovës, në të cilat me numrin më të madh janë regjistruar në Komunën e Gjilani.
Sot në Laboratorin e Mikrobiologjisë Molekulare janë testuar gjithsej 257 mostra të dyshuara me COVID-19, ndërsa nga data 8 shkurt e këtij viti deri më sot janë testuar gjithsej 10.387 mostra.
Sot gjatë ditës nga Klinika Infektive është raportuar një rast i ri i cili ka përfunduar me vdekje nga koronavirusi, me çka deri më tani në Kosovë numri i të vdekurve me COVID-19 është 29.
