Ish-kryeministri i Britanisë së Madhe, Boris Johnson, është rizgjedhur si kandidat për zgjedhjet konservatore në zonën e tij zgjedhore Uxbridge dhe South Ruislip, në perëndim të Londrës.
Lajmi vjen pas spekulimeve se Johnson do të kërkonte një vend më të sigurt, përpara zgjedhjeve të ardhshme të përgjithshme.
“Konfirmojmë se Boris Johnson është rizgjedhur si kandidati konservator në Uxbridge dhe South Ruislip”, tha një zëdhënës.
Ndërsa Johnson ka një shumicë prej 7 000 votash, vendi i tij shihet si një objektiv për laburistët në zgjedhjet e ardhshme.
Aleatët e Johnson kanë hedhur poshtë çdo pretendim se ai do të kërkonte një vend të ri ose më të sigurt, pavarësisht spekulimeve të vazhdueshme.
