Izraeli sot ka konfirmuar dy vdekje tjera nga koronavirusi i ri (COVID-19), duke sjellë numrin e vdekjeve në 234.
Në një deklaratë, Ministria e Shëndetësisë tha se gjatë 24 orëve të fundit janë regjistruar 29 raste të reja, duke e rritur numrin e përgjithshëm në 16.237.
Sipas ministrisë, 93 pacientë mbeten në gjendje kritike, ndërsa të paktën 9.858 janë shëruar dhe janë liruar nga spitalet deri më tani.
Izraeli në fund të shkurtit filloi të marrë masa për të frenuar përhapjen e koronavirusit, fillimisht duke ndaluar jorezidentët që vinin nga pikat e virusit dhe gradualisht duke imponuar ndalim gati total të udhëtimit ajror.
