Tre karabinierë të vdekur dhe 13 oficerë policie të plagosur, është bilanci i një shpërthimi në Castel D’Azzano, në provincën e Veronës.
Një burrë dhe një grua rreth të 60-ave prej së njëjtës familje u arrestuan nga forcat e rendit, ndërsa një anëtar i tretë i familjes është ende në kërkim.
Sipas raporteve fillestare, policia po evakuonte shtëpinë kur ndodhi shpërthimi. E gjithë shtëpia dykatëshe u shemb, duke përfshirë ushtarët dhe oficerët.
Zjarrfikësit, të cilët ishin gjithashtu në vendngjarje, reaguan menjëherë por, nuk mundën të shpëtonin karabinierët të cilët mbetën viktima.
Shtëpia pas shpërthimit u shkatërrua plotësisht dhe u përfshirë nga flakët. Ajo ishte e mbushur me gaz dhe shpërthimi u provokua nga hapja me force e derës së përparme nga ana e policisë dhe zjarrfikësve.
Evakuimi ishte planifikuar prej ditësh pas disa përpjekjeve për të dëbuar tre vëllezërit, secili në të gjashtëdhjetat nga apartamenti, të cilat nuk kishin qenë kurrë të suksesshme pas kërcënimeve për t’u hedhur në erë.
Prandaj, oficerë të Karabinierëve nga Njësitë Speciale të specializuar në operacionet kundër terrorizmit, u dërguan në vendngjarje duke pasur parasysh rrezikun e operacionit.
