Kryeministri i ri i Japonisë Shigeru Ishiba shpërndau sot Dhomën e Përfaqësuesve, duke i hapur rrugën zgjedhjeve për Dhomën e Ulët të parlamentit më vonë këtë muaj.
Ishiba mori detyrën më 1 tetor, duke pasuar Fumio Kishida dhe shpreson të sigurojë një mandat për administratën e tij nga votuesit.
67-vjeçari i vuri vetes synimin për të rindërtuar imazhin e Partisë së tij qeverisëse Liberal Demokratike, e cila është tronditur nga skandalet korruptive.
Zgjedhjet do të organizohen më 27 tetor, duke shkaktuar kritika nga opozita e fragmentuar e vendit, e cila tha se fushata e shkurtër lë shumë pak kohë për debat.
Ishiba ka pasur një karrierë të gjatë politike, duke përfshirë postet si ministër i Mbrojtjes nga 2007-2008 dhe si ministër i Bujqësisë.
