Zëdhënësja e Ministrisë iraniane të Shëndetësisë, Sima Sadat Lari, tha se 2.369 persona të tjerë u diagnostikuan pozitiv ndaj koronavirusit, duke e çuar në 182.545 numrin e përgjithshëm të rasteve të konfirmuara me COVID-19.
Sipas zëdhënëses së ministrisë, deri më tani 144.649 persona janë shëruar dhe janë lëshuar në shtëpi, ndërsa 2.739 pacientë mbeten në gjendje kritike.
Lari tha se deri më tani në Iran janë kryer rreth 1.2 milionë teste të dyshuara për COVID-19.
Irani po kalon përmes një prirjeje në rritje të infeksioneve të përditshme në shumë provinca, veçanërisht në provincën jugperëndimore Khuzestan.
