Iraku ka parashtruar një ankesë zyrtare pranë Organizatës së Kombeve të Bashkuara (OKB) dhe Këshillit të Sigurimit të OKB-ve lidhur me sulmet e fundit të SHBA-ve mbi forcat irakiane.
Në një deklaratë Ministria e Jashtme e Irakut përshkroi sulmet e SHBA-ve si një “veprim armiqësor” dhe “shkelje flagrante të kushteve për praninë e forcave amerikane në Irak”.
“Ankesa konfirmon se çdo sulm ose veprim ushtarak në territorin e Irakut pa miratimin e qeverisë së Irakut, konsiderohen provokuese”, tha ministria.
Sipas ministrisë, ankesa konfirmon se “prania e këtyre forcave në tokën irakiane është të ofrojë ndihmë në fushën e trajnimit ushtarak, këshillimit dhe armatimit për të luftuar organizatën terroriste DEASH”.
Po ashtu ministria i bën thirrje Këshillit të Sigurimit të OKB-ve të ndërmarrë hapa për të parandaluar SHBA-në të kryejë veprime të tilla të paligjshme dhe t’i mbajë ata përgjegjës për humbjet njerëzore.
Javën e kaluar, Pentagoni tha se kreu sulme ajrore kundër objektivave të milicisë pro-iraniane Kata’ib Hezbollah në Irak.
U theksua se objektivat përfshinin objektet që strehonin armë të përdorura për të synuar SHBA-të dhe trupat e koalicionit, të cilat lanë dy trupa amerikanë dhe një ushtarak britanik të vdekur.
