Inteligjenca Artificiale (IA) mund të përshpejtojë prodhimin e mikroqarqeve të reja duke modeluar konfigurimin e tyre në orë në vend të muajve, me rezultate të njëjta ose edhe më të mira se ato të marra nga inxhinierët e vërtetë, sipas një studimi të botuar në revistën shkencore “Nature” nga studiuesit e gjigantit të Mountain View, Google, në bashkëpunim me ata të Universitetit Stanford në Kaliforni.
Kjo qasje është aq premtuese, saqë tashmë po përdoret në hartimin e sistemeve të ardhshme të inteligjencës artificiale nën markën Google.
Performanca e mikroqarqeve varet nga mënyra se si përbërësit e tyre rregullohen fizikisht: projektimi i faqosjes së qarqeve është një punë e ndërlikuar, që kërkon kohë dhe deri më tani ka qenë shumë e vështirë për t’u automatizuar.
Për të kapërcyer problemin, studiuesit zhvilluan një rrjet nervor të cilin më pas ata e trajnuan me një teknikë të të mësuarit automatik (të quajtur “përforcim i të mësuarit”), në mënyrë që të zgjidhte planifikimin e mikroqarqeve si një lojë, ku përbërësit janë perëndi.
Algoritmi i zhvilluar në këtë mënyrë arrin të gjenerojë mikroqarqe të realizueshme në më pak se gjashtë orë, që janë të krahasueshme ose edhe më superiore se ato të krijuara nga njerëzit, duke kursyer mijëra orë pune.
