Në Indi gjatë 24 orëve të fundit si pasojë e infektimit me koronavirusin e ri (COVID-19) kanë vdekur 380 persona, me çka numri i përgjithshëm i të vdekurve është rritur në 9.900.
Sipas NDTV, Ministria e Shëndetësisë e Indisë njoftoi se gjatë ditës së fundit janë konfirmuar edhe 10.667 raste, me çka numri i përgjithshëm i të infektuarve në këtë vend arriti në 343.091.
Në njoftimin e ministrisë theksohet se janë shëruar 180.013 persona të cilët më herët u diagnostikuan me COVID-19.
Të dhënat e faqes së internetit “Woldometer”, në të cilën janë të arritshme informatat për situatën epidemiologjike në botë, tregojnë se India është në vendin e katërt me numrin më të madh të të infektuarve në botë.
