Inspektorati Kombëtar i Mbrojtjes së Territorit, ka nisur një aksion për prishjen e objekteve pa leje në jug.
Aksioni ka nisur mbrëmjen e së dielës, konkretisht në Jalë, nga ku u prishën katër objekte pa leje.
Kryebashkiaku i Himarës, Vangjel Tavo ka pezulluar nga detyra mëngjesin e sotëm 5 punonjësit e Inspektoratit të Mbrojtjes së Territorit (IMT) në Himarë.
Bëhet me dije se shkak për këtë vendim është bërë lejimi i një sërë ndërtimesh dhe objektesh pa leje në Drimadhe, Jalë dhe Dhërmi.
Lidhur me këtë para disa ditësh pati edhe disa procedime.
Mbrëmjen e së dielës, në orën 20:00, mësohet se IKMT prishi 4 struktura në Jalë, të cilat kanë qenë pa leje dhe nuk ka pasur kundërshtime.
Ndërkohë që sot, në Dhërmi, ka nisur puna për prishjen e 5 objekteve të tjera.
Sipas informacioneve, kishte nisur ndërtimi i kapanonëve që do të shërbenin për mbajtjen e materialeve për ndërtimet që do bëheshin më pas.
