Një shtetas në kërkim ndërkombëtar është arrestuar nga autoritetet, me qëllim ekstradimin drejt Kosova, pasi ishte dënuar nga Gjykata e Pejës me 11 vjet e 6 muaj burg për veprën penale “vrasje”.
I arrestuar në Tiranë është shtetasi nga Kosova, A Allakaj. Ai akuzohet se rreth 25 vite më parë ka kryer një vrasje në Kosovë për hakmarrje.
Gjykata e Pejës e ka dënuar me 11 vjet e 6 muaj burgim, për veprën penale “Vrasja”.
Nga dënimi i kanë mbetur për të kryer 9 vjet e 8 muaj.
Në momentin e ndalimit, atij iu gjetën dokumente identifikimi të dyshuara të falsifikuara.
Mësohet se në dokumentet që ai përdorte kishte emrat NMuja dhe D Dedaj.
Ndaj tij pritet të vijojnë procedurat ligjore për ekstradim, në bashkëpunim mes autoriteteve përkatëse.
