Ministrja e Jashtme e Kosovës, Meliza Haradinaj-Stublla ka marrë mbështetjen e homologut grek, Nikos Dendias për liberalizimin e vizave.
Në kudarë ët sesionit të 75-të të UNGA dy ministrat e jashtëm mbajtën videokonferencën ku diskutuan edhe për marrëveshjen e 4 shtatorit Kosovë-Serbi.
Haradinaj-Stublla thotë se ajo marrëveshje tashmë u hap rrugë njohjes reciproke në kufijtë ekzistuesë.
Kujtojmë se Greqia nuk e njeh Kosovën, por nga ana tjetër si vend i BE e mbështet për liberalizimin e vizave sa më shpejt.
STATUSI NGA MELIZA HARADINAJ-STUBLLA
Në kuadër të sesionit të 75-të të UNGA, mbajta sot një videokonferencë me Ministrin e Jashtëm të Greqisë, Nikos Dendias.
Homologu grek më konfirmoi mbështetjen e madhe të Greqisë në përmbylljen e liberalizimit të vizave për Kosovën, duke theksuar nevojën e bashkëpunimit të gjerë rajonal politik dhe ekonomik, për të ruajtur qëndrueshmërinë e paqes dhe stabilitetit, dhe fuqizuar perspektiven eurointegruese të rajonit.
Me Ministrin Dendias biseduam edhe për Marrëveshjen e Uashingtonit, që i hapë rrugë marrëveshjes finale të njohjes reciproke në kufijtë ekzitues, dhe që respekton rendin kushtetues e karakterin unitar të Republikës së Kosovës.
Me homologun grek theksuam nevojën e thellimit të marrëdhënieve tona dypalëshe, duke thelluar edhe më tej dialogun praktik që kemi me Greqinë.
