Për ambasadorin e Bashkimit Europian në vendin tonë Silvio Gonzato dhuna në parlament nuk është mënyra efikase për denoncuar problemet e demokracisë në Shqipëri. Ai u kujtoi palëve që puna në parlament duhet të fokusohet te integrimi në një moment kur pritet të nisë hapja e kapitujve të anëtarësimit.
“Opozita ka shumë mënyra për të denoncuar problemet me demokracinë. Djegia e karrigeve në parlament nuk është mënyra e duhur. Parlamenti duhet të jetë funksional dhe të dyja palët kanë rolin e saj pasi pritet pasi në këtë kohë pritet hapja e kapitujve të parë të anëtarësimit”.
Gonzato inspektoi një punishte në Elbasan e ngritur në pronat e sekuestruara nga grupet kriminale dhe ai foli edhe për luftën kundër krimit
“Lufta kundër krimit dhe korrupsionit nuk bëhet vetëm me procese gjyqësore, por duhet punuar që të jenë në shërbim të komunitetit. Një nga këto raste është edhe ndërtimi i kësaj punishteje dhe janë shumë frymëzuese historitë e të gjitha grave që punojnë këtu”.
Ambasadori Gonzato u shoqërua nga ministri i Brendshëm Ervin Hoxha dhe kryetari i bashkisë së qytetit Gledian Llatja.
