Nën moton “Hilal Olsun Türkiye”, Gjysmëhëna e Kuqe e Turqisë në bashkëpunim me Konsullatën e Përgjithshme turke në Prizren do të ndajë pako ushqimore për 500 familje nevojtare në Kosovë këtë vit me rastin e muajit të bekuar të Ramazanit, raporton Anadolu Agency (AA).
Në shpërndarjen e ndihmave në Prizren morën pjesë Ndihmëskonsulli i Përgjithshëm turk në Prizren, İsmail Cenk Şen, dhe anëtari i bordit drejtues të Gjysmëhënës së Kuqe, Ercan Tan, si dhe përfaqësues nga Kryqi i Kuq i Kosovës.
Duke folur në lidhje me aktivitetet humanitare, Tan deklaroi Gjysmëhëna e Kuqe e Turqisë synon të arrijë deri te tetë milione njerëz në nevojë në 18 vende të ndryshme gjatë muajit të Ramazanit.
“Ne si Gjysmëhënë e Kuqe jemi pranë vëllezërve tanë. Kemi ardhur për të shpërndarë 500 kuti ushqimore për 500 familje. Ne përpiqemi të jemi pranë vëllezërve kosovarë, duke i rritur vazhdimisht këto ndihma. Ne po i përcjellim për vëllezërit në Kosovë donacionet që i kemi marrë nga vëllezërit në Turqi. Kemi sjellë edhe përshëndetjet e tyre”, tha Tan.
Nëpërmjet Kryqit të Kuq të Kosovës, 500 pakot ushqimore, krahas Prizrenit, do të shpërndahen edhe në komuna si Prishtina dhe Suhareka. /aa
