Gjykata e Tiranës ka lënë në burg A.D., 38-vjeçarin e akuzuar për vrasjen e H.I., ngjarje që ndodhi më 2 tetor, në zonën e Babrrusë.
I riu nuk ka folur para gjykatës, ndërsa avokatët e mbrojtjes pretenduan se sherri ka ndodhur në kushte të renda psikologjike.
Ata argumentuan se nuk bëhet fjalë për vrasje me paramendim, pasi autori kishte mbajtur viktimën në shtëpi, por një ofendim i momentit ka agravuar situatën.
Gjykata pranoi kërkesën e prokurorisë dhe vendosi masa të rrepta për të akuzuarin, duke garantuar vijimin e hetimeve për zbardhjen e plotë të ngjarjes.
Autori, i cili kishte qëndruar për 10 ditë në banesën e viktimës, ka dhënë versionin e tij për ngjarjen edhe më herët.
Sipas tij, konfliktet nisën, pasi viktima e akuzonte se i kishte ofenduar bashkëshorten. Pas një debati telefonik, autorit i është dashur të shkonte në banesën e viktimës, për të marrë rrobat e tij.
Para hyrjes në shtëpi, mes tyre shpërtheu një zënkë me duar, gjatë së cilës autori e goditi viktimën me thikë, duke i shkaktuar plagë fatale.
