”Harta” e gjeneve të migrenës u hartua në një studim të madh ku morën pjesë shkencëtarë nga tre kontinente.
I botuar në revistën ”Nature Genetics”, ai u drejtua nga Konsorciumi Ndërkombëtar i Gjenetikës së Dhimbjeve të Kokës dhe u koordinua nga Universiteti i Helsinkit.
Shumë nga gjenet e zbuluara janë specifike për nëntipe të ndryshme të migrenës, siç janë dy format më të zakonshme, me ose pa aura (një fenomen vizual që shpesh i paraprin sulmeve).
Migrena, e cila prek mbi një miliard njerëz në mbarë botën, është një çrregullim, origjina e të cilit është ende pjesërisht misterioze, por me një predispozitë të njohur trashëgimore.
Në fakt, studimet e mëparshme kishin lidhur disa gjene me sëmundjen; megjithatë, deri më sot asnjë studim nuk kishte përputhur përmasat e kësaj pune.
Ekspertët përfshinë 872 000 individë nga të cilët 102 000 me migrenë.
Ata panë se disa variante gjenetike janë më të zakonshme në mesin e pacientëve dhe gjenden rrallë në ADN-në e subjekteve të shëndetshëm të kontrollit.
