Ditën e djeshme në vendin tonë mbërritën 60 mijë doza të vaksinës kineze, Sinovac.
Kujtojmë se shumë qytetarëve iu kishte kaluar data e aplikimit të dozës së vaksinës Coronavac për shkak se ato munguan për më shumë se një javë.
Por pavarësisht kësaj mungese dhe faktit se ishin njoftuar që doza e dytë do t’u jepej sot sikurse shihet edhe nga fotot qytetarët duket se nuk janë paraqitur në qendrën e vaksinimit në sheshin “Skënderbej”.
Karriget, që disa ditë më parë ishin të mbushura nga qytetarë që prisnin vaksinën e ankoheshin për mospasjen e saj, janë bosh.
