Është shtyrë më 19 Prill konstituimi i Kuvendit të Kosovës.
Lajmi u bë i ditur nga Avni Dehari i cili tha se është ndërprerë për të dytën herë seanca për konstituimin e legjislaturës së re të parlamentit kosovar.
“Vazhdohet me seancën tjetër pas 48 orëve, në ora 12:00 me 19 Prill”, ka thënë Dehari.
Pas përfundimit të takimit konsultatim me përfaqësuesit e partive politike, Dehari i falënderoi të gjithë për pjesëmarrje, por tha se nuk pati konsensus që të procedohet tutje me seancën në fjalë.
Seanca e sotme ishte vazhdim i asaj që u mbajt të martën, ku nuk arriti të miratohet raporti për verifikimin e mandateve të deputetëve.
