Dalin pamjet e para nga arrestimet na bashkinë e Lushnjës, për llogari të SPAK.
Në videon me poshtë shihet momenti i arrestimit të Gazmend Çelës, zyrtarit të Ndërrmarrjes së Pasurisë Publike në Lushnjë.
Çela akuzohet për veprën penale “Shkelje e barazisë në tendera apo ankande publike”.
Siç shihet dhe në videon e mëposhtme Çela është shoqëruar drejt furgonit të policisë i prangosur nga Forcat e Ndërhyrjes së Shpejtë.
Më herët u shoqërua edhe kreu i bashksië së Lushnjes, i cili u nis drejt Trianës, ku do të merret në pyetje nga SPAK.
Si rezultat i operacionit janë arrestuar 11 persona, mes tyre edhe kreu i Bashkisë Lushnjë, Fatos Tushe.
Ndaj 11 personave të arrestuar rëndojnë akuzat e ”korrupsionit pasiv të personave që ushtrojnë funksione publike”, “shkelja e barazisë në tendera apo ankande publike”, “shpërdorimi i detyrës” dhe “falsifikimi i dokumenteve”, ndërkohë që hetimet kanë nisur që prej vitit të kaluar.
7 prej personave të arrestuar, përfshirë dhe kryebashkiakun Tushe janë lënë nën masën e arrestit me burg, ndërkohë që 4 të tjerë, punonjës së zyrës së pasurive publike, janë lënë nën masën e arrestit të shtëpisë.
