Kryetari i grupit parlamentar të Partisë Socialiste, Bledi Çuçi e konsideroi një teatër të shëmtuar qëndrimin e deputetëve të opozitës të përjashtuar, të cilët tentuan të hyjnë sot me forcë në sallën e seancave plenare dhe bllokuan punimet.
“Ne jemi mandatuar nga shqiptarët të bëjmë jetë parlamentare normale. Ata nëse vazhdojnë kështu, edhe ne do vazhdojmë me kërkesat tona për të përjashtuar këdo që prish seancat plenare apo mbledhjet e rëndësishme në komisionet parlamentare”, u shpreh Çuçi në një prononcim për mediet.
Ai theksoi se “askush nga deputetët e papërjashtuar nuk është ndaluar ndonjëherë, as sot, të hyjë në seancë”.
“Ky teatër, që merr kolegët e përjashtuar vendosi para për t’i futur me zor, është një teatër as absurd jo, por teatër kukullash”
