Kryetari i grupit parlamentar të Partisë Demokratike, Gazment Bardhi u shpreh sot në mbledhjen e Konferencës së Kryetarëve, se ka disa ligje si iniciativë e deputetëve, të cilat kanë nga tri vite në sirtarë.
Ai theksoi se shpreson shumë që të futen me prioritet në kalendar për t’u shqyrtuar.
Bardhi shtoi se, janë propozime të rëndësishme që vijnë nga opozita.
Gjithashtu, Bardhi e cilësoi si zvarritje çështjen e mandatit të Olta Xhaçkës.
“Shpresoj shumë dhe ju bëj thirrje të vazhdohet pa humbur kohë që kjo çështje të shkojë në Gjykatë Kushtetuese. Në Këshillin e Legjislacionit edhe deputetët e PS, ranë dakord që mocioni t’i përcillet Gjykatës, dhe shpresoj që në seancën e 12 shtatorit kjo të ndodhë”, tha Bardhi.
Ai foli edhe për çeshtjen që lidhet me fondet e IPARD.
“Para disa muajsh ju kërkuat që debati për këtë çështje dhe ngritja e një komisioni parlamentar për të adresuar problematikat, të ndodhë në shtator. Shtatori erdhi, kështu që ju kërkoj që këtë çështje ta kemi prioritet edhe si një instrument për të zhbllokuar fondet e BE për fermerët. Fonde që mbahen të bllokura për shkak të korrupsionit dhe abuzimit qeveritar”
