Mark Zuckerberg prezantoi avatarin e tij të ri në kohë reale gjatë eventit të Meta’s Connect të martën.
Ishte hera e parë që themeluesi i Facebook-ut mban një konferencë publike në metaversen e Meta-s, Horizon World. Zuckerberg shfrytëzoi rastin për të prezantuar avatarët e përditësuar, të cilat ai tha se do të lansohen më vonë këtë vit në telefonat dhe në kufjet e realitetit virtual. Ai i quajti avatarët e rinj “më të detajuar se çdo gjë tjetër”.
Avatarët e rinj do të kenë gjithashtu këmbë, diçka që Zuckerberg tha se ishte “ndoshta funksioni më i kërkuar në udhërrëfyesin tonë”.
Avatarët metaverse nuk kishin këmbë më parë, sepse ishte më e vështirë në realitetin virtual të pozicionoheshin me saktësi pjesët e trupit si këmbët”, tha themeluesi i Facebook.
“Por seriozisht, këmbët janë të vështira, prandaj edhe sistemet e tjera të realitetit virtual nuk i kanë ato”, tha Zuckerberg.
Njoftimi i Zuckerberg erdhi vetëm disa muaj pasi miliarderi u kritikua në rrjetet sociale për një avatar që ai postoi në Instagram. Përdoruesit e mediave sociale shpejt kritikuan imazhin që tregonte avatarin e Zuckerberg duke qëndruar përpara Kullës Eiffel, me disa që i krahasonin grafikët me video lojërat e viteve 1990 si Zelda dhe Quake.
Në atë kohë, Zuckerberg u përgjigj me një avatar të përditësuar dhe pranoi se imazhi i mëparshëm ishte “bazik”.
“Grafikat në Horizon janë të afta për shumë më tepër – madje edhe në kufje – dhe Horizon po përmirësohet shumë shpejt”, tha Zuckerberg në një postim në Instagram në gusht.
