Një gdhendje e lashtë e bërë në një gur bazalti 2.550 vjet më parë është identifikuar si mbreti i fundit babilonas, Nabonidus. I zbuluar në Arabinë Saudite, mbishkrimi përshkruan mbretin Nabonidus që mban një skeptër dhe rrethohet nga katër simbole të feve: një gjarpër, një hënë, dielli dhe një lule.
Shkëmbi i gdhendur u zbulua në Al-Hadeed, në rajonin verior të vendit Al Hail. Ekzistojnë një numër pikturash murale që përshkruajnë mbretin Nabondius, disa prej të cilave duken shumë të ngjashme me gdhendjen e zbuluar kohët e fundit.
Edhe pse studiuesit po deshifrojnë kuptimin e simboleve, disa sugjerojnë se ato mund të lidhen me hyjnitë në panteonin Mesopotamian, që përfaqësojnë yllin e Ishtarit, diskun me krahë të perëndisë së diellit Shamash dhe hënën e hyjnisë Sin, një perëndi e favorizuar nga mbreti Nabonidus.
