Ish-deputeti i Partisë Demokratike Lefter Maliqi është paraqitur pak më parë në Prokurorinë e Posaçme.
Në prononcimin e tij për mediat ai foli në lidhje me kallëzime që ka bërë në SPAK, mes të cilave përmendi firmën “Salillari” dhe tenderat që kanë marrë në kohë fushate.
Maliqi u ndal edhe në një tender 1 mln euro në një shkollë të Kuçovë, tender i cili sipas tij u mor nga nipi i Sadri Abazit.
“Kallëzimi i sotëm ka të bëjë me 1 mln euro tender për rikonstruksionin e një shkolle në Kuçovë, ku as një e dhjeta e nxënësve nuk janë në shkollë, klasat janë bosh.
Tenderin e ka marrë nipi i Sadri Abazit, lidhje të qarta politike që ndodhin në Shqipëri.
U bënë 2 vite e gjysmë që vijojnë kalvarin me drejtësinë shqiptare.
Ku ka SPAK mbi dhe nën tokë për kallëzimin e parë që kam bërë për 4 mln euro pa leje mjedisi në zonë të mbrojtur në Kuçove nga firma “Salillari” që goditën qytetarët, banorët, i dhunuan me policinë politike dhe lekët i ropën, ujë nuk ka në ato fshatra.
2 km asfalt mbi asfalt pa procedurë tenderimi në kohë fushate. Jam thirrur 2 herë në SPAK.
U kam thënë nuk keni fuqi të merreni as me Salillarin as me hajdarin, se hajdari merr me vete dhe Salillarin”, tha ai.
