Një aksident i rëndë ka ndodhur paraditen e sotme në Divjakë. Mesohet se mjeti ‘Audi A4’ ka dalë nga rruga duke përfunduar në pyll e duke u përplasur me pas me një pishë.
Si pasojë ka humbur jetën një 19-vjeçare me iniciale E.M, që gjendet ende në mjet. Të plagosur kanë mbetur edhe Vilson Hoxha dhe Daniel Doda.
Grupi hetimor po punon për zbardhjen e plotë të ngjarjes.
NJOFTIMI
Sot rreth orës 10:25, në rrugën nga Divjaka për në plazh, automjeti tip “Audi“, me drejtues shtetasin V. H., 25 vjeç, banues në Divjakë, ka dalë nga rruga, ku për pasojë ka ndërruar jetë pasagjerja në mjet, shtetasja E. M., 19 vjeçe, banuese në Zharrnec, si edhe janë dëmtuar drejtuesi i mjetit dhe pasagjeri ende i paidentifikuar, të cilët ndodhen në spitalin e Lushnjes nën kujdesin e mjekëve.Grupi hetimor po punon për zbardhjen e plotë të ngjarjes.
