Një aksident rrugor ka ndodhur ditën e sotme në Fushë-Krujë, ku një automjet tip Audi R8, ngjyrë portokalli, ka pësuar dëmtime të konsiderueshme në pjesën e përparme si pasojë e përplasjes.
Në aksident raportohet se janë përfshirë dy automjete, një “Mercedes Benz” dhe një “Audi”.
Nga informacionet paraprake mësohet se tre persona janë plagosur rëndë dhe kanë marrë ndihmën e parë nga qytetarët që ndodheshin pranë vendngjarjes.
Ndërhyrja e tyre ka qenë e menjëhershme, në pritje të mbërritjes së ambulancës dhe autoriteteve përkatëse.
Njoftimi i policisë:
Fushë Krujë/Informacion paraprak:
Rreth orës 11:00, në aksin rrugor “Tapizë-Fushë Krujë, automjeti me drejtues shtetasin E. H., rreth 28 vjeç është përplasur me automjetin me drejtues shtetasin K. D., rreth 19 vjeç.
Si pasojë janë dëmtuar dy drejtuesit e automjeteve dhe pasagjeri në automjetin me drejtues 28-vjeçarin, shtetasi S. H., rreth 30 vjeç, të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit.
Materialet procedurale iu referuan Prokurorisë së Tiranës, për veprime të mëtejshme.
