Një aksident i frikshëm ka ndodhur pak minuta më parë në autostradën e re Levan-Vlorë, në vendin e quajtur nënkalimi i Novoselës.
Një mjet tip ‘Honda’ me targa AA 711 CZ, ka humbur kontrollin si pasojë e shpejtësisë së lartë dhe është përmbysur në rrugë.
Fatmirësisht drejtuesja e mjetit nuk ka pësuar lëndime.
Dyshohet se ajo ka humbur kontrollin e makinës teksa ka ngatërruar daljen pranë nënkalimit.
Policia ka mbërritur në vendngjarje dhe ka nisur hetimet për zbardhjen e plotë të aksidentit.
