Gjysma e parë e vitit 20121 për kompaninë “Flughafen Zürich AG” është karakterizuar nga kufizime të udhëtimit dhe të qarkullimit në qendrat tregtare, si pasojë e pandemisë.
Kjo ka rezultuar në një humbje prej 45.1 milion frangash për gjysmën e parë të vitit, shkruan Aeroporti i Cyrihut në një njoftim për shtyp, raporton 20minuten.ch.
Nga janari deri në qershor të vitit 2021, vetëm rreth 2.1 milionë pasagjerë kanë shfrytëzuar Aeroportin e Cyrihut si pikë nisjeje, transferimi ose destinacioni për fluturimin e tyre, tranmseton albinfo.ch. Kjo korrespondon me një rënie prej 60.5 për qind në krahasim me të njëjtën periudhë të një viti më parë.
Krahasuar me gjysmën e parë të vitit 2019, numri i udhëtarëve ka rënë madje deri në 85.9 për qind.
Numri i fluturimeve është zvogëluar për 31.9 për qind duke rënë në 41,123 ngritje dhe ulje në gjysmën e parë të 2021.
Vetëm numri i fluturimeve për transport të mallrave është rritur (+18.6 për qind). Kjo ka pasur gjithashtu një efekt pozitiv në vëllimin e ngarkesave të trajtuara në krahasim me gjysmën e parë të vitit 2020 (+25.1 për qind në 180,788 tonelata).
E gjithë kjo ka rezultuar me një humbje prej 45.1 milionë frangave në gjysmën e parë të 2021, transmeton albinfo.ch. Në të njëjtën periudhë të vitit të kaluar, ka pasur po ashtu humbje por më të vogël, gjegjësisht 27.5 milion CHF. Ndërsa në vitin 2019 ishte realizuar një fitim prej 143.4 milionë frangash.
