Parlamenti i kantonit të Cyrihut planifikon të diskutojë shpejt lidhur me testet e koronës falas për të rinjtë.
Këshilli Kantonal (parlamenti), me 78 vota pro, ka shpallur urgjente një kërkesë përkatëse të bërë nga SVP.
Kjo parti dëshiron që testet e koronës të jenë sërish falas për personat deri në 25 vjeç.
Sepse nëse këto teste nuk do të jenë falas, atëherë ky është një lloj vaksinimi i detyrueshëm, sidomos për të rinjtë dhe të varfërit.
Kauzën e SVP-së, kësaj radhe e kanë mbështetur Partia e Qendrës (Die Mitte) si dhe pjesë të PS, të Gjelbërve dhe PPE.
Përpara se tema të kthehet në parlament, Qeveria e Cyrihut duhet të japë mendimin e saj brenda pesë javësh.
Nëse balanci i fuqisë në këshill mbetet ky që është, megjithatë, testet e koronës falas për të rinjtë mund të hidhen poshtë në mbledhjen e ardhshme të këshillit.
Kjo, për faktin se me atë rast kërkohet shumica e votave për të bërë bartjen përfundimtare në qeveri.
Në të njëjtën mbledhje, një tjetër postulat i SVP-së nuk u shpall urgjent. Ai kërklonte që testet e koronës të ishin falas për të gjithë.
